વાર્તાકથન સ્પર્ધા

      આજ રોજ તા :- 16/12/2024 ને સોમવારના રોજ દેવ પ્રા.શાળામાં નિપુણ ભારત કાર્યક્રમ અંતર્ગત વાર્તા કથન સ્પર્ધાનું આયોજન કરવામાં આવ્યું.ઢાઠી પ્રા.શાળામાંથી ધો - 4 માં અભ્યાસ કરતી દીકરી ક્રિષ્નાબેન વિનોદભાઈ સોલંકી અને ધો - 1માં અભ્યાસ કરતા પીયૂષભાઈ નિલેશભાઈ પરમાર વાર્તાકથન સ્પર્ધામાં ભાગ લીધો અને સરસ વાર્તા રજૂ કરી હતી.શાળા પરિવાર આ તબક્કે બંને વિધાર્થીઓને શુભેચ્છાઓ પાઠવે છે.

સી.આર.સી હમીદભાઈ દ્વારા બાળકોને આશ્વાસન ઇનામ આપી તેમનું સન્માન કરવામાં આવ્યું અને તાલુકા કક્ષાએ સુતારીયા પે.સે.નું નામ રોશન કરે તેવા શુભ આશિસ આપ્યા.

શાળામાં રંગરોગાન

      અમારી પ્રા.શાળા ઢાઠીમાં તા - 5/12/2024ને ગુરુવારના રોજ રંગરોગાન કારાવવામાં આવ્યું.શાળાની ઓફીસ,તમામ વર્ગખંડ, સેનિટેશન ,MDM શેડ તથા કંપાઉન્ડ વૉલને રંગરોગાન કરાવવામાં આવ્યું.રંગરોગાન બાદ શાળાનો નવો રૂપ રંગ જોઈ બાળકોમાં ખુશી જોવા મળી હતી.

બાળકોને શૈક્ષણિક કીટ આપવામાં આવી

       આજ રોજ તા :- 3/10/2024 ને ગુરુવારના રોજ અત્રેની ઢાઠી પ્રા.શાળાના આ.શિ. શ્રી ભરતભાઇ એ શાળાના તમામ બાળકોને શૈક્ષણિક કીટ આપી.આ કીટ માં પેન્સિલ,રબર,સંચો,ફૂટપટ્ટી,પેન તથા પાઉચ આપવામાં આવ્યા.પરીક્ષા નજીક આવતી હોય બાળકોને ઉપયોગી થાય તે હેતુસર બાળકોને કીટ આપવામાં આવી.

ગણિત વિજ્ઞાન પર્યાવરણ પ્રદર્શન

        આજરોજ તારીખ 19 સપ્ટેમ્બર 2024 ને ગુરૂવારના રોજ સુતારીયા ક્લસ્ટરનું ગણિત વિજ્ઞાન પર્યાવરણ પ્રદર્શન પાલીખંડા આશ્રમશાળામાં યોજાયું. અમારી ઢાઠી પ્રાથમિક શાળાના બે બાળ વૈજ્ઞાનિકોએ આ પ્રદર્શનમાં ભાગ લીધો. શાળાના આસિસ્ટન્ટ શિક્ષક શ્રી ભરતભાઈના માર્ગદર્શન હેઠળ ધર્મેશકુમાર તથા નિલેશકુમાર એ કૃતિ તૈયાર કરી. વિભાગ 5 વેસ્ટ વ્યવસ્થાપનમાં  પાણીનું  શુદ્ધિકરણ કૃતિ બનાવી.બાળકોને સી.આર.સી.હમીદભાઈ દ્વારા પ્રમાણપત્ર અને મેડલ એનાયત કરી, બાળ વૈજ્ઞાનિકોને પ્રોત્સાહન આપવામાં આવ્યું.બાળકોને આશ્વાસન ઇનામની સાથે સાથે સરસ મજાનો નાસ્તો પણ આપવામાં આવ્યો.

શિક્ષકદિનની ઉજવણી

          આજ રોજ તારીખ પાંચમી સપ્ટેમ્બર ને ગુરૂવારના રોજ ઢાઠી પ્રાથમિક શાળામાં શિક્ષક દિનની ઉજવણી કરવામાં આવી. શાળાના બાળકોએ શિક્ષક બનીને શિક્ષણ કાર્ય કર્યું. સવારથી માંડીને સાંજ સુધી શિક્ષક બનેલા બાળકોએ શાળાનું સ્વયં સંચાલન કર્યું. આજના અમારા શિક્ષક બનેલા એવા પ્રીતિ બહેન,ડિમ્પલ બહેન, સંજનાબહેન,કુણાલભાઈ અને ધર્મેશભાઈએ દરેક વર્ગમાં સરસ શિક્ષણકાર્ય કર્યું.શાળાના મુખ્ય શિક્ષક શ્રી નટવરલાલ એ બાળકોને શિક્ષકદિન કેમ ઉજવાય છે? તેના વિશે પ્રાર્થનામાં સરસ માહિતી આપી. શાળાના આ.શિ. શ્રી ભરતભાઈએ શાળાના તમામ બાળકોને  પફનો નાસ્તો કરાવ્યો.

શ્રાવણ માસનું ત્રીજું તિથિ ભોજન

        આજે તારીખ 23 ઓગસ્ટ ને શુક્રવારના રોજ પ્રાથમિક શાળા ઢાઠી તથા આંગણવાડીના તમામ બાળકોને ગામના યુવાન શ્રી નરેન્દ્રભાઈ પ્રભાતસિંહ પરમારના પરિવાર તરફથી આ શ્રાવણ માસમાં તિથિ ભોજન આપવામાં આવ્યું.તિથિ ભોજનમાં દાળ,ભાત,રમકડાં અને લાડુ બનાવવામાં આવ્યા.શાળાના તમામ બાળકોએ તિથિ ભોજનનો લાભ લીધો.શાળા પરિવાર અને એસ.એમ.સી. સમિતિ આ તબક્કે નરેન્દ્રભાઈ અને તેમના પરિવારનો આભાર વ્યક્ત કરે છે.

શ્રાવણ માસનું બીજું તિથિ ભોજન

     આજે તારીખ 22 ઓગસ્ટ ને ગુરુવારના રોજ પ્રાથમિક શાળા ઢાઠી તથા આંગણવાડીના તમામ બાળકોને ગામના યુવાન શ્રી રાજેન્દ્રસિંહ પ્રભાતસિંહ સોલંકી તરફથી આ શ્રાવણ માસમાં તિથિ ભોજન આપવામાં આવ્યું.તિથિ ભોજનમાં દાળ,ભાત, શાક અને બુંદી બનાવવામાં આવ્યા.શાળાના તમામ બાળકોએ તિથિ ભોજનનો લાભ લીધો.શાળા પરિવાર અને એસ.એમ.સી. સમિતિ આ તબક્કે રાજેન્દ્રસિંહ અને કોમલ બેનનો આભાર વ્યક્ત કરે છે.

રક્ષાબંધનની ઉજવણી

        આજ રોજ તારીખ 17 ઓગસ્ટ 2024ને શનિવારના રોજ અત્રેની ઢાઠી પ્રાથમિક શાળામાં રક્ષાબંધનની ઉજવણી કરવામાં આવી. શાળાના તમામ બાળકોએ આ ઉજવણીમાં ભાગ લીધો. શાળાની તમામ દીકરીઓએ ભાઈઓને કુમકુમ તિલક કરી ,મીઠાઈ ખવડાવી મો મીઠું કરાવી રાખડી બાંધી .શાળાના આચાર્યશ્રી તથા આસિસ્ટન્ટ શિક્ષક શ્રી એ બાળકોને રક્ષાબંધન વિશે સમજ આપી તેનું મહત્વ સમજાવ્યું.